ព្រឹកថ្ងៃអង្គារ ទី១១ ខែកក្កដា ឆ្នាំ២០២៣ នៅស្ថានទូតកម្ពុជាប្រចាំប្រទេសថៃ ឯកឧត្តម ហ៊ុន សារឿន ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសថៃ អមដោយលោក ឃុន សុវណ្ណារិទ្ធ លេខាធិការទី១ បានទទួលជួប ឯកឧត្តម Gustavo Alberto Martino, ឯកអគ្គរដ្ឋទូតអាហ្សង់ទីនតែងតាំងថ្មី ប្រចាំកម្ពុជា ដែលមាននិវេសនដ្ឋាននៅទីក្រុងបាងកក ពិភាក្សាកិច្ចសហប្រតិបត្តិការរវាងប្រទេសទាំងពីរ ក្នុងស្មារតីលើកកម្ពស់ទំនាក់ទំនងទ្វេភាគីរបស់យើងទាំងពីរ ឱ្យកាន់តែប្រសើរឡើង ពិសេសលើការគាំទ្រគ្នាទៅវិញទៅមកនៅក្នុងតំបន់និងលើឆាកអន្តរជាតិ ។ On the Morning of 11 July 2023 at the Royal Embassy, His Excellency Hun Saroeun, Ambassador Extraordinary and Plenipotentiary of Cambodia to Thailand, accompanied by Mr. Khun Sovannarith, First Secretary received a call on by Gustavo Alberto Martino, Ambassador-designate of Argentine to Cambodia with the residence in Bangkok, to discuss the cooperation between both countries in order to elevate our bilateral relations to a greater height especially supporting each other in the regional and international arena

ឯកឧត្តមឯកអគ្គរាជទូត ទទួលជួបសមាគមសហគ្រិនយុវជនកម្ពុជាសាមគ្គីដើម្បីអភិវឌ្ឍន៍ នាសៀលថ្ងៃទី០៧ ខែសីហា ឆ្នាំ២០២៣ នៅស្ថានទូតនៃព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍ ឯកឧត្តម ហ៊ុន សារឿន ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំព្រះរាជាណាចក្រថៃឡង់ដ៍ បានទទួលជួបសមាគមសហគ្រិនយុវជនកម្ពុជាសាមគ្គីដើម្បីអភិវឌ្ឍន៍ ដឹកនាំដោយលោក ឧកញ៉ា ហុង ឆេងឈុន ប្រធានសមាគម។ ក្នុងជំនួប ភាគីទាំងពីរបានពិភាក្សាអំពីកិច្ចសហការដើម្បី៖ ១) ទាក់ទាញវិនិយោគបរទេសពីប្រទេសថៃ ទៅបណ្តាក់ទុនវិនិយោគនៅកម្ពុជា លើវិស័យកសិកម្ម កសិ-ឧស្សាហកម្ម អចលនទ្រព្យ រោងចក្រឧស្សាហកម្ម តំបន់អេកូទេសចរណ៍ ។ល។ ២) គាំពារវិនិយោគិនបរទេសដែលមានបំណងបណ្តាក់ទុនវិនិយោគនៅកម្ពុជា និង ៣) រៀបចំជំនួបផ្គូផ្គងធុរកិច្ច (Business matching) ដើម្បីបើកឱកាសដល់ធុរជនបរទេសពីប្រទេសថៃបានជួបផ្ទាល់ជាមួយធុរជនកម្ពុជា ពិភាក្សាចាប់ដៃគូវិនិយោគ ពង្រីកអាជីវកម្ម និងបង្កើតការងារថ្មីៗ ជូនយុវជន និងសហគមន៍។